Day 2 (22/11/2013)
喜瀨 - 名護 - 水族館 - 今歸仁城跡(世界遺產) - 屋我地島 - 國頭村 (大約83公里)
天氣不錯. 亦繼續我們第二天之旅. 沿途一如以往的邊踩邊影邊停在便利店稍作休息. 我們會先經名護. 然後再踩多二十公里到人所共知的某一重要旅遊勝地- 海洋博公園. 這裡是我最想到的地方之一. 係入面的美麗海水族館內既黑潮之海.比電影螢幕還要巨大的壓力窗 可以欣賞到鯨魚在海中遊動的景象, 令人歎為觀止! 可惜要趕及行程. 匆忙的食埋個午飯及去了那個館後又要趕上路.
因為順道. 計劃中有一個地點是唯一有經過而最近的世遺- 今歸仁城跡, 這裡需要係咁上斜 上完又上 最後一鼓作氣的到達了目的地. 眾人起哄 大家都熱烈歡迎我介紹這景點. 吃罷最好味的雪榚後. 離要住的地方仲有好遠路程....就在此時. 個天落下微微雨. 我們要加快速度了. 因為我們整段路沒有可避雨的地方. 經過計劃中的屋我地島而放棄了古宇利島. 其實離開海洋博到之後既旅程. 途人和屋舍會大為減少. 遊客也不會再往北走了. 這裡說是鄉下也不為過. 悶踩了3粒鐘. 也到了比昨晚更荒涼的地方. 眼見得一間餐廳. 還要不做我們生意. 可能關店時間將到吧. 唯有去便利店買零\熟食作為我們今晚的晚飯吧. (這餐還比平時既晚餐還貴得多...)
唔食會死嗎 是的
Day 3 (23/11/2013)
國頭村 - 邊戶岬 - 東村 -嘉陽 (大約97公里)
整個行程最難踩. 一般踩單車既遊客都不會選擇這段. 困難程度比台灣東南部墾丁至大武有過之而無不及. 我們會一直上到最北點然後從東北沿連綿既山羣踩番落南面. 六水話影相同休息都不能HEA了. 著實整段路十分似台灣東部. 唔好落雨就可以了. 但好景不常. 昨日踩的時候己發現唔多妥. 我的後輪條鋼絲斷了. 只得兩個選擇. 維修或繼續. 維修既話要番返之前既名護市到整. 但一來一回肯定冇一日. 唯有頂硬上吧. 亦祈求唔好再斷或其它問題啦. 我唔想放棄這次難得之旅呢!
要往最北點. 之前要經多條隧道. 還以為去了蘇花公路踩. 幸好是沒有重型貨車經過. 還算安全. 經過最北點邊戶岬留影後. 要趕往奧吃午飯. 亦開始了上山落山. 毫不過癮的路程. 到達奧這個地方. 有煥然一新既感覺 世外桃園既地方. 電話及上網完全斷絕訊號. 有山有水有河, 建築物又講究. 這裡很值得留宿. 看圖片好難形容 我們一班"友仔"好似放監模樣四處嬉戲 好不開心. 完全忘記要趕路.
吃罷午飯 又開始幾上山幾落山.... 基本上這大段路杳無人煙 你最祈求係嫁車唔好壞. 我們踩到痴晒線. 日落踩到天黑 未踩完亦唔知還有多久才踩完 團友鼓勵我們還有呢個頂就到. 結果踩了十幾個頂. 因天黑及在鄉郊的山麓中 沒有街燈是常識吧. 踩踩下由9個變10個人會點呢係呢個moment. 對比我是沒有東西可害怕的. 這些深夜在山中踩車的經驗也有數次. 終去到民宿. 這晚是ＢＢＱ, 由腩哥及其老闆娘建議的 再由我地團中煮野高手烹調 我地只有等食的份兒 唯有幫手執野吧.
這一段真是刺激 重返中學時大班人一起探險時的感覺 值得
封面一
沖繩 往最北點-邊戶岬途中
封面一
沖繩 往最北點-邊戶岬途中
封面三
沖繩 海洋博公園-美麗海水族館
夜晚黑到睇唔到, 依家先有機會四圍望下果.....幾分鐘.
朝早冇水.....食早餐要去便利店解決.
住宿參考網頁-恩納
http://www.niraionna.com/2007/12/b.html
我們會先經名護既邊皮再去今日既重點-海洋博公園
整段路己遠離繁華的城市. 係鄉間踩車最享受就是這樣!
近距離看著日本的小童玩耍也是一種享受
在沖繩, 經常見到"非核宣言"既標語 - 為控訴戰爭之悲慘, 並傳達至後代 並構建世界永久和平的訊息給大家.
沖繩共有151個島嶼...所以處處都見到D島仔!
對面就是瀨底島 當然.............沒有過去啦. 又係時間唔夠
到...海洋博公園
參觀時間大家定個半鐘內集合...冇得HEA了.
重點 - 美麗海水族館 必入之地.
我們大部份團友都有買票. 其它的四圍HEA下.
在充滿體力勞動下的踩車活動可以榨取少少的時間來看下景點真是太好了.
在日本 - 我其實已有去了幾間不同地方既水族館及動物院. 為了一個景. 千里迢迢來這裡也是值得. 而看的就是這個!
海洋博美麗海水族館附近.
走到這裡看海洋劇場 海豚表演
離集合時間越來越短. 匆匆的食個飯就行人.
踩車途中加插了世遺既行程.
不斷上斜. 眾人起哄.
購票看城跡只得我一個. 男人的浪漫
繼續走. 便去至屋我地島.
到島後因為落雨,不得不加快速度.
古宇利島不能再去了. 因個天陰陰地.
又是一日踩到日落.
成團人踩到唔知係邊. 只得我同小寶慢慢踩影日落.
晚間, 終旅到民宿既地方.
唔知是否關門既關係. 我們連唯一既餐廳都吃不到.
要走到前面不遠處既便利店覓食. 因為我們實在太肚餓. 那麼多日去咁多間既便利店呢一餐買得最多.駛錢駛亦得最貴.
又到新一天, 繼續踩車.
民宿參考 - 國頭喜璃愈志酒店
http://kunigami-kariyushisou.com/
又在便利店休息及留低腳毛.
這段路開始. 悶到七彩. 人類也不會多見了.
沖繩既台灣東面版本. 真係好似. 不過沒有那麼多車.
我貫徹了成團最慢的美德. 踩踩下去左共同店HEA下.
難得機會啊!
踩多十幾公里. 終於到達, 沖繩最北點.
邊戶岬.
這裡很美. 亦影了很多相.
有些"禁相"都係這裡影,這裡不便刊登.
我們今日一早得知之後既旅程要不斷的上山下山了. 儲夠氣便走人.
己忘記上了幾多斜落了幾多斜. 到達了一個對我們像仙境既地方. - 奧
電話網絡完全中斷. 但無差. 享受大自然要緊.
眾人四散活動.
有些人睡覺.
有些人擺POST
亦有些人要影特寫.
亦在這裡的餐廳享受豐盛的午飯. 飽到暈!
又要上山落山了.
近距離的風車景.
踩到日落, 但看似還有一大段路要踩. 我們要用盡全力了.
在山麓下,沒有街燈, 不斷上斜, 眾人亂叫增強士氣下. 亦在真真正正一山還有一山高呢句野既體驗下, 終於到達了民宿. 老闆娘及其腩哥的民宿.
今晚BBQ. 我可以講句. 好鬼好食.
"心靈得到滿足"
沒有留言:
張貼留言