在房間內影的.冇乜高樓大廈.
影番幅相,起碼有來過花蓮
在站前旁的建築物-花蓮旅客服務中心
左邊的酒店就是我們住宿的地方.對面就是車站.隔離果間就500-800新台幣一晚.
最後一面了-花蓮市
雖然和宜蘭/羅東同樣是大站.但同樣都是很少人搭的.真係台灣既東面係唔同d
火車亦有幾種類之分,有自強,莒光,復興等幾種.我們要搭的是今天只有兩班可託運的火車去台東.
我在車上編排緊未來行程.想著究竟去墾丁要點行.
壽豐鄉附近的車站.掛滿花花,幾有特色.
但後面風景更正.可惜不能用單車踩和停留影相.
進入了-花東縱谷
呀..呀...呀
天氣勁好呀!!!!真想出站踩單車的說.
車內的妹妺走來走去.影唔切佢tim@@
噢!到達台東了.第一件事又係攞番架車啦.這個城市很怪,台東站竟然唔係台東市之內.要走一段路或搭車才到達市區.和上文一樣.這個大站又係好少人上落!?
台東-約有一半居民是台灣原住民,城市充滿活力,熱鬧無比.另外,台東全年氣候溫暖,是知名的水果產地.
離開車站了.天氣來說今天實在陽光普照.帶在我頭的安全帽可以封印了.(之後八日從未帶過頂帽)
參考阿傑新買的環島書,選擇了這條行車徑-"台東環市自行車道"
這是一條走回台東以前的舊火車路.我認為值得踩,就踩了.
又係咁,成條單車徑只得一對人專用,就係我們
踩踩下上橋.呢度幾靚.就停下影相.
又影.
盲子一個
橋中間的景色.
又係呢度.其實條舊火車路都頗長的.因為條路既終點是在台東市東面最盡頭.
出了橋,才進入了台東市區,經過便利站吃個小食及作補給,然後開始了痛苦之旅,因要經過一個大U Turn到知本市.(註:點解要咁行?因為咁樣到知本的路是最平坦及最唔辛苦的.而回程雖然又要返回台東火車站.但會經過另一條路走.絕不重複路程.(要強調一次,絕不重複路程.)
日頭踩到黃昏(四點零已黃昏!).上埋山,有不少人湧過來向我們推薦他們的酒店.我們在網頁看到的價錢和這裡真是差天共地,因為實在太便宜了.有一間開到800元新台幣一晚.我們諗下先,去了便利店買了小吃後,另一人就開到500元一晚.嘩,咁平,即刻要兩間房,即係每人125元港幣一晚.真係太痴線了.(當然連埋浸溫泉啦),我想道:究竟佢賺D乜?
知本溫泉-台灣東部最大的溫泉區,從很久以前,便開始發展為觀光勝地.
在那區條主馬路-龍泉路旁大約有十數間大小不一的溫泉酒店.基本上成條路只得我地係踩單車去的.
我們住的是台東知本逸軒大飯店.周邊地圖以下:
http://www.easytravel.com.tw/summer/netstreet/zhiben.htm
放低行李後,立刻踩著單車落回山腳吃特色小食.
天氣變化很大,下圖五分鐘後已變黑暗了.找到了求其一間食店吃東西.看了菜單,有牛肉麵和牛肉
湯麵,既然價錢分別不大,當然選了牛肉湯麵.阿傑就唔記得左叫乜.等了幾分鐘,麵送來了.但發現成
碗麵點解冇牛肉.唔係呀o麻,呢碗叫做牛肉湯麵,原來真係得牛肉湯既麵. 我笑了,不過算啦,因為晚飯好快就到.仲要係酒店女agent介紹的.我想不錯吧.
這就是agent大力介紹的.其實唔駛介紹都會入呢間食.因為其餘的店舖亳不特出.想入去幫襯都難.
間野都算好有特式.有人唱歌跳舞(包括市民),雖然唔知唱乜!但都好感受到台灣另一面的風光特式.
尤其是山地人,的確係面部輪廓深的,我們人在異地,發夢都冇諗過會身處這地方.根本無單車遊既話,呢一世都唔會來這地方的.究竟為乜?當作完成心願吧.一時感觸,大家流了男兒淚和想起媽媽..
.......
...
(講笑的,最後兩句~)
客人都唱佢地家鄉既歌.我們如果跳番part舞,唱番首狂野之城唔知會點!?會唔會全場呆晒?
我們叫了四碟餸,只得蝦米係最好食.邊看歌舞邊歎特制的荼.特別寫意.雖然張櫈冇得"埃"
食完晚飯後,又到浸溫泉的時間.按規定,凡浸溫泉一定要買泳帽.於是便去買了,只需要5元雞.在酒店內的溫泉區很細,只得兩個熱池加一個泳池.阿傑一看到全是阿伯阿婆便冇興致的回房看電視睡覺.那麼只得我一丁友去浸.浸了半個鐘.連勁凍既泳池都唔放過,而其它既泳客已走晒,得番我一個人浸.好似包場的感覺.因為光脫脫冇帶相機,所以影不到我的玉照了!浸完再落去酒店外走走,買了杯沙冰飲.便回房睡覺了.
第四日感想-去到台灣的最東面,真是有種離鄉別井的感覺.心境變為平靜.工作的忙碌可以放低一下,
經常上網的我竟然可以忍受到現在真是不可思議.(在今時今日的繁忙都市,時間和空間越來越少,真係網上d人話齋,一日72小時都唔夠用.)
第四天總行程大約26公里,行車4小時. (由A點至B點)
途經區域 花蓮-(搭火車到)台東站-台東市-知本
A點是台東火車站,B點是知本溫泉區,明天會走9號公路回程.並期待第二朝的旅程
海角七號的恆春鎮和台灣最南面的墾丁.
沒有留言:
張貼留言