Chapter 8 第六日 墾丁和恆春-停留

一半的旅程終於完結,南部地區已到達,那麼當然的要停留一日作補充體力和見識一番.

既然要逗留,所以今天遲了點起床.懶洋洋的我所有動作都放慢.整理行李後便和民宿的人道別了.時間大約是11點零鐘.而昨晚在厠所內plan完行程後,已確定今天無需要用到單車.那麼我們便到下一間民宿進發.

陽光極好,不愧是墾丁,從電視得知今天好似係30度,咩話?11月喎!! (我住的民宿左方向既景)


另一面(張相影到勁光.忘記較部相機)


雖然是晏晝,但成條馬路確實的沒有幾個人在逛街.相中疑似流浪漢的人在馬路中心影相.
(ps: 哈哈!未訓醒)
(ps2:本來想訓係度伸直的影相.但被我僅存的理智叫醒了!)

影完相後,我們需要填飽個肚子.而到了求其簡的餐廰用膳.(因很多都未開門)但真係唔記得左食左d乜.
(入面有幾隻狗狗行來行去.形成狗多個人的局面.)

南台灣音樂餐廳

吃完後,便立刻找找要係到過夜的民宿.我們又行了整條墾丁大街格價.又和昨晚一樣,一堆四方八面民宿的人又沖過來推銷(因為我們騎著單車,較為顯眼).今天的行程既範圍都幾大.所以便要租機車行走(阿傑帶了國際牌).那麼我們要找的是平住宿,有機車租和可以將架單車放入內的民宿,收窄範圍後.便決定幫襯這一間民宿.800住宿+400全日的機車(新台幣).

巴士海峽渡假民宿

我上房放低行李和打點一下,而阿傑就試車. (特別注意,淡季先有得咁平)


機車後觀.(只要比張國際牌給店主看就可以了.)

阿傑很久沒有駕車了.所以我叫佢慢慢試,唔好急.

我覺得我的命已交比阿傑.我希望能撐過這一日!


開機車了,我當然的在車後攬著他.我們一直駛落去,風很大.
A點是墾丁大街而B點是鵝鑾鼻.行程大約8公里. 燈塔就在鵝鑾鼻正前方.



到了今天的第一站 - 鵝鑾鼻燈塔 及 墾丁國家公園

鵝鑾鼻燈塔-是台灣擁有百餘年歷史的燈塔,位於墾丁國家公園內,為著名歷史建築,目前在燈塔所在設有鵝鑾鼻公園.(因為我們以前沒有去過,所以當到達時才發現是後門,找了良久也不知道正門位置,所以我們便從後門進入了.


附近人流不多,可以給我們在這裡影到很多相. (遠觀燈塔景)


這是由正門上來的路

我們朝著台灣島最南面的地方走著.

到達了台灣八景-鵝鑾鼻.最南端-完成!!

我決定經過背後的草地,

有段路仔落去.


很大風,唔敢再落了,阿傑去可能被吹走.


附近景觀

看到了一家人樂也融融的樣子,使我諗起將來我老了,d仔女會唔會拖埋我一起旅行呢?(可能我已經被迫住老人院了@@)

回頭了.決定埋身看看燈塔.

在這景點,到此為止.

我們在附近影相,交完功課後便離開

再一次"稱霸"了

大風到連阿傑的頭髮也亂了....披頭傑...

難得的正面照!!

離開了這燈塔景點.決定要去埋墾丁東面的地方-佳樂水

佳樂水這地方有各種宛如雕塑作品的奇岩怪石,是台灣最富變化的海岸地形. A點是鵝鑾鼻而B點是佳海水,車程是12公里.



























以下路段,千萬,千萬,千萬不要踩單車.我地坐機車都危危地.因為.....................

我們便由燈塔後門走,看了plan好的地圖.開始了墾丁東面的探索.

離開了有人居住的民家,開始了機車慢慢上山的墾丁草原既道路.

咁多日裡面,這段路"終極"大風.我可以講一次,係呢度散步既人係沒有的,因為除時有吹起的可能.係香港十號風球都唔夠佢勁.架車行走時,我感受到飄移的感覺.(可能只是氣候性!)

下圖是長程空中交通雷達站附近.

駛至龍磐公園附近,很多灣位.兜來兜去.

在到達佳樂水之前的景點. 風吹沙
風吹沙介紹

我真係唔敢係度停,我唔知阿傑睇唔睇到,我就肯定睇到了.在未駛至下圖還在山腳時,我親眼見這地方有三,四個擬似小型龍捲風係度狂打轉(d沙).雖然冇停留這位置,但我冒死的用了左手揸相機拍下這地方.


後面的一幫人也抵受不住大風沖回入車內.


途經興海港

佳樂水南面的景色

不能再前進了.因要進入這路要登記.所以便要走下一個景點.

景點就是出火區-又名鬼火位於恆春東門城外往佳樂水途中的公路左側.
A點是佳樂水而B點是出火區.行程大約8公里.


經過一兩個鄉鎮,到達了這裡.等埋阿傑拍好車後,便進入這個地方睇下點出火.

前面就是出火區了.點解遠處睇只得兩個火團?

點解同我係雜誌睇既唔同既?

爭咁遠既同個告示牌?

....................!

埋身睇睇先.

終於找到火團了.我估係淡季同埋唔係夜晚的關係吧!

咁難得既場面,所以我們決定了...........................走!

我們姑姑作響了,噢,不是,是肚子發出姑姑聲了.下午荼時間到.
我便提議往昨晚踩車曾經到過的餐廳食野.
餐廳名字叫"四學士台灣牛牛肉麵"-這是一間往墾北時必定見到的紅色屋身的餐廳.它位於車城大路旁.
那條公路還會見到在附近的恆春五里亭機場.

A點是出火區而B點是四學士餐廳,行程大約13公里.

在餐廳入面.我食的東西又是牛肉麵.但我仲好記得我上次係台東食過一碗叫牛肉味既麵.

食完麵,使我諗起剛經過時的糖水舖.它在恆春古鎮內.對我們來說都幾搶眼的.噢,原來這間糖水舖都大有來頭,原來套台劇"我在墾丁天x晴"借這裡作場景的.還有等陣會去的客運站.

店舖名稱:多福豆花

店舖外面.

我看了menu,選了這個雜錦豆花(加埋珍珠).我依稀記得不用20新台幣.我仲要坐左半個鐘,差在未打橫訓著.

A點是四學士餐廳而B點是糖水舖.行程大約9.5公里

客運站地圖.特登來呢度其實是有目的的,但要在ch9裡才會再提及.

B點糖水舖斜前方是巴士客運站.可返回高雄等地,唔塞車大約要個半至兩個鐘到,反之亦然.

而在古鎮附近亦可見到城牆.如下圖,

去了客運站查詢巴士路線及時間後.再去一兩間電腦舖頭詢問有沒有火牛(結果係冇!xd)天色已是黃昏了.又係時候去另一景點了.

遠望是福爾摩沙牧場及龍鑾潭自然中心.

我緊靠著阿傑在公路上兜風,我哼著幾句歌詞,阿傑就話好似聽到d怪叫.我心道:你知唔知乜野叫做男人既浪漫吓?

這段路程,咁既場景,好似烈火戰車既封面男女主角一樣,但可惜兩個都是男的.

我們在南灣附近泊車.

到達南灣了.遠處的球形是核三廠及風力發電區.

淡季冇人,我係咪來錯時候?

.....!


既然來到,唯有週圍走走吧.

我們面對西面等太陽落山才走.返回民宿休息後,便到晚飯時間.

走至墾丁大街的盡頭.己在昨晚諗定的食呢間-在墾丁福華飯店的"冒煙的喬"

內裡裝修

及叫了以下幾道菜.

我們為了扮品味子,所以叫了個酒類menu裡面一d我地讀都唔識讀的酒類飲品.(食晒幾碟野我只係飲左一啖,我估真係對我而言係人類歷史上既創舉.)

這一餐是繼第二天在宜蘭頭城既海鮮餐以來最豪既食物.不過都係每人百幾玩o者!
吃完晚飯,再去墾丁大街走番轉,買番d紀念品,食下杯長雪糕及道地小食.然後便早早的番房了.(阿傑的體力最緊要!)

再會了,墾丁的夜晚~~

明天 受苦之旅再開始 高雄市 我來了

機車總行程60公里.其實仲有很多地方未去,尤其沙灘竟然咁少人,真係可惜.但沒有辦法.只得十二日,難免有些景點會漏.
不過,墾丁條大街都給我們行了十幾次當彌補.