~ 揹著背囊去旅行~
見識世界?挑戰自己?洗滌心靈?想做就做?
.....
2009年11月中
初步計劃摘要 (2008年單車台灣環島後八個月) 及後語
- 零九年七月前. 苦惱並瀏覽各大週邊國家可遊點.歐洲就冇可能啦.起碼最少一個月啦.
- 零九年八月. 決定了日本.別無他選.其中之一的原因是安全
- 零九年九月. 研究踩單車可能性.並構思行車點.一個圈就無咩可能.因為日本大過台灣
N倍.諗左幾日,並定下了廣島至東京的一段.車程9百幾公里.和台灣一圈相若. - 零九年十月.諗著買單車託運日本踩.但是
一來,睇了fourm無數次.香港好似冇乜人咁做.
二來,擔心單車不能負載那樣重的行李.(不是我踩台灣的環島車噢).
三來,又要帶行李,又要拎住架單車四圍走.實在太重
四來,購買單車要駛多筆,不化算
五來,如果真係踩的話,只可以去廣島/大阪/名古屋/東京便完.
所以放棄了............... - 零九年十月頭,既然冇得踩,就搭車加行路吧.彈性更大.(我認為)
決定地點.全本洲 - 零九年十月中.既然去到.唔去冇得去.有生之年都要達成"拎著背囊去旅行\流浪週圍走"這目標.
- 假已請.極度多謝上司的批準.
- 決定將地點更新為全日本.
全日本!???
- 十日前到現在.
極度苦惱全國搭車問題.因為太複雜.要睇極多的網上資訊作消化.
日本物價勁貴.我...放棄了住酒店.我估要訓公園/書店/通霄巴士吧.
睡袋己有,除非太凍啦.(我不想上頭條呀~)
亦苦惱點搭飛機.邊度落機邊度走
買下了多本旅遊雜誌,參考書研究行程. - 旅程所走路線-(初想)
全日本 - 意思是九洲 / 本洲 / 四國 再加北海道 (不含沖繩）
全國JRPass - 意思是關東JRPass /關西JRPass/四國JRPass/九洲JRpass/北海道JRPass/東海JRpass 六合為一. 而我,正是要買下全國JRPass,還要十四日這種． - 最終落機所在地．．．．
事情有變........................................!!!
我真係諗爆了頭.
我估我要問高手的意見. - 詢問了自稱全世界去暈晒,仲爭南極未去的人,亦係前踩車拍擋的阿傑.
原來他去過日本.又係通處四圍走咁遊覽.我的種種問題,使到阿傑懷念了過去.我的計劃,亦使他彷彿見到x年前的自己.
於是他決定了.
用了兩晚時間考慮
....
阿傑加入 - 這真是一件神奇的事.己經十一月.個plan仲好似未起稿咁,仲為邊度落機而煩惱,多得阿傑加入,我可以煩少很多野了.我當堂諗起電波少年-謝x仁 / x岩石的旅程.可惜的是搭順風車唔係我地既目標.因為我地會買jrpass.
- 機票己定.由大阪落機大阪走人(返到來既話).隔日. 己確定要買全國jrpass十四日.
- 我買\換下了三本日本旅遊書(京阪神,名古屋,白川鄉及北海道).起碼搭車,等車,方面時,等運到時可以解下悶.我就點了阿傑買了本本洲東北的書.
- 再買埋保險,唱定錢打定底.食埋個龜靈膏,精神為之一振!!
- ...........................仲未book酒店!!!!
- 11月12日.才拿下機票和全國pass
- 星期六早機7點多起飛....................................我究竟訓唔訓好?
- 現在朝早三點幾四點.我都要走搭巴士去機場了.番來見.byebye ~~!
- 行程已完.會盡快在另一blog update我的所有行程及相片(少字多圖,不用大家看得辛苦,哈xd. 謝謝日後觀看.
後語
繼上年(2008)的台灣單車環島遊後,潛伏一年,轉轉新意,看一些旅遊雜誌及網上資訊,就選定日本吧,那裡地方那麼大,剩係九洲都大過台灣,所以如果好似上次咁踩單車的話真係沒有可能了. 不過,經過種種的難關,例如請假,翻譯定日文常用語,基本行程及最難最難的搭車安排後(十級難),並懷著滿腔熱誠.向這日出之地進發!
雖然很多人去過日本,熟識程度比我更甚更了解,所以 - 為顯出這個不平凡的旅程,所以一係唔去,一去就用盡我十六日的假期(連星期六日),盡量的走勻日本這地方.我 - 始終都係呢句 - 睡覺(找地方訓)不是我最重要的考慮,人生短短數十年,用最短的時間去最多的地方才是這次旅程的主題.(或者雖然可以更癲,但全天候搭車的話就會失去遊玩性""會癲的""!!!!)
在計劃後期,更邀得博士(同我係台灣踩單車那個阿傑呀)同行,從他口中所說的己經走勻晒全世界既經驗,日本一早去過啦這些對話,如此的肯定,那麼即是說,搜尋功夫可以替我一起分擔,酒店錢可以慳一半,亦可能不用訓街了.條件就是阿傑只會去以前沒有去過的地方,我當然冇大問題啦,因我之前只去了東京! 本身plan一個人去的,訓街真係預左,不過好在真係冇咁做,因為真係凍到訓唔到呢,哈~)
這次行程16天,總駛費17000港幣(機票+全國JRPass+保險雜項7000,當地十六日駛費10000),全國JRPass即是可以任搭全國的JR線,但不包括特別車種(例如有床的\高級車種).亦當然不包括其它非JR線啦.所以搭其它交通工具是要另外比錢的..
為了使行程可以順利,搭夜車既環節是不能缺少的,一來慳時間,到白天就可以四圍遊覽,二來可以慳酒店錢,實在是雙贏局面.但日本的交通網絡太復雜,單是看東京路線圖已傻了眼,而我們.就要面對全國的路線圖,這個是我最擔心之事,所以計劃是很重要的,其一好彩的每個JR大站都有資訊中心,內裡有本2009年全國JR火車列車時間表給我們參考.(成千頁的時間表噢!),才使我們整個行程大致順利,沒有失誤.因為就算走遲一班車,一個站都會影響到我們的旅程,可能會等幾個鐘亦可能會等一日.有些熱門的車要提早book定,尤其是星期五,六或者是可以訓的車.
總結 - 我們在行程每一日都要在乘車時,空閒時,上網時經常討論下一站的去向,要捉緊行車時間和班次同埋突發性意外,整個行程,我們已轉了十幾次計劃,係JR資訊中心的時間仲多過係百貨中心,不過總而言之,買了JRPass走全國只有賺冇蝕.
而我-為了迎合這次所謂"流浪"既效果,所以只背著背囊去,好似很型子,但行走時就非常之重,還要帶埋netbook(非帶不可很多情報,資訊係晒入面,在不諳日語的我們底下,起碼可以自救),其次有樣東西和上次台灣環島遊一樣,帶幾多件舊衫去,著完就逐件拋棄.可以使背囊輕些.
少少溫馨提示.這是實實在在的辛苦兼自虐的遊浪旅程.如大家沒有心理準備及強大的韌性,切勿模仿噢!!
沒有留言:
張貼留言